Cümə axşamı günü Səudiyyə Ərəbistanının cənubundakı Nəcran bölgəsində Husilərin terror hücumları nəticəsində on bir mülki şəxs yaralanıb.

Bunu Yəməndə Qanuniliyi Bərpa Koalisiyasının sözçüsü general-mayor Turki Əl-Maliki cümə günü bildirib.

Əl-Maliki bildirib ki, yaralananlar arasında bir qadın və ikinci dərəcəli yanıqlar alan 4 yaşlı uşaq, eləcə də bir Yəmən sakini, iki Misir sakini və bir Pakistan sakini olmaqla yeddi Səudiyyə Ərəbistanı vətəndaşı var.

Koalisiya bildirib ki, Husi milisləri hücumları mülki obyektlərə qarşı ayrı-seçkilik etmədən mərmilərlə həyata keçirib və hücumları mülki şəxsləri və mülki infrastrukturu qəsdən hədəfə almaqla beynəlxalq humanitar hüququn və onun adət qaydalarının kobud şəkildə pozulması kimi qiymətləndirib.

Əl-Maliki vurğulayıb ki, koalisiyanın Birgə Qüvvələr Komandanlığı mülki şəxslərin qorunmasını təmin etmək üçün bu cür hücumlara qarşı çəkindirici tədbirlər görməyə davam edəcək.


Reportyor.az 




KARUSEL / DÜNYA