Nigeriyanın cənubunda tərkibində metanol olduğu ehtimal edilən içkini qəbul etdikdən sonra azı 49 nəfər ölüb, təxminən 100 nəfər isə müalicə olunur.

Ondo ştatının səhiyyə rəsmiləri bildirirlər ki, Odiqbo və İrele bölgələrində təxminən 182 nəfər bu vəziyyətdən zərər çəkib.

Yerli sakinlər "Associated Press" agentliyinə bildiriblər ki, hadisənin "Monkey Tail" (Meymun quyruğu) kimi tanınan, yerli istehsal olan bitki tərkibli spirtli içki ilə əlaqəli olduğu ehtimal edilir. Rəsmilər hələ ki, içkinin mənbə olduğunu təsdiqləməyiblər və araşdırmalar davam edir.

Həkimlər bildirirlər ki, zərərçəkənlərin əksəriyyəti nisbətən gəncdir və onlarda əvvəlcədən mövcud olan sağlamlıq problemləri var idi.

Nigeriyada, xüsusilə də kommersiya brendləri ilə müqayisədə daha ucuz başa gəldiyi kənd yerlərində yerli istehsal olan spirtli içkilər geniş şəkildə istehlak edilir.



Reportyor.az 



KARUSEL / HADİSƏ