Seneqal Prezidenti Bassiru Diomaye Faye çərşənbə axşamı Nyu-Yorkda BMT Baş Assambleyası çərçivəsində fransalı həmkarı Emmanuel Makronla görüşüb.

Fayenin ofisindən verilən məlumata görə, iki lider ölkələri arasındakı tərəfdaşlıq əlaqələrini və onların gücləndirilməsi yollarını nəzərdən keçiriblər.

Açıqlamada qeyd olunur ki, onlar həmçinin sülh və təhlükəsizlik qarşısında duran çağırışları müzakirə edib, BMT Nizamnaməsinə riayət etmək və mübahisələrin sülh yolu ilə həlli öhdəliklərini bir daha təsdiqləyiblər.

Gündəlikdə həmçinin növbəti BMT Baş katibinin təyin edilməsi məsələsi də yer alıb. Seneqalın keçmiş prezidenti Maki Sall dekabr ayında vəzifəsini tərk edəcək Antonio Quterreşi əvəz etməyə iddialı namizədlərdən biridir.

Əvvəlcə onun namizədliyini dəstəkləməkdən imtina etsə də, Faye hazırda onu dəstəkləyir. Fransa, namizədlə bağlı səsvermə keçirəcək BMT Təhlükəsizlik Şurasının daimi üzvüdür.


Reportyor.az 




KARUSEL / DÜNYA