Səudiyyə Ərəbistanının xarici işlər naziri şahzadə Faysal bin Fərhan ABŞ-ın dəstəklədiyi Qəzza üzrə sülh planının tam və dərhal həyata keçirilməsinə çağırıb. O, eyni zamanda, işğal altındakı İordan çayının qərb sahilində İsrailin məskunlaşma məntəqələrini genişləndirməsi, məskunlaşanların zorakılığı və ilhaq siyasətinə qarşı beynəlxalq səviyyədə tədbirlər görülməsinin vacibliyini vurğulayıb.

Yerli media xəbər verir ki, o, Nyu-Yorkda Səudiyyə Ərəbistanı, Fransa, Böyük Britaniya və Kanadanın həmsədrlik etdiyi "Qarşıdakı yol: Nyu-York Bəyannaməsindən və Qəzza üçün hərtərəfli 20 bəndlik sülh planından bir il sonra" adlı yüksək səviyyəli görüşdə çıxış edib.

"Təhlükəsizlik başqa bir tərəfin hesabına deyil, qarşılıqlı maraqlar əsasında qurulmalıdır", - deyə şahzadə Faysal bildirib və müstəqil Fələstin dövlətinin yaradılmasının, eləcə də İsrail işğalına son qoyulmasının regional təhlükəsizlik və sabitlik üçün vacib olduğunu vurğulayıb.

Şahzadə Faysal həmçinin Qüdsdə tarixi və hüquqi status-kvonun qorunub saxlanılmasının, eləcə də bütün tərəflər tərəfindən zorakılıq, nifrət və təhriklərin rədd edilməsinin zəruriliyini qeyd edib.

Ötən il Səudiyyə Ərəbistanı və Fransa BMT-də "iki dövlət" prinsipi əsasında həll yolunu canlandırmaq məqsədi daşıyan genişmiqyaslı beynəlxalq diplomatik təşəbbüsə rəhbərlik etmişdilər.

Riyad və Paris 2025-ci ilin iyul ayında Fələstin məsələsinin sülh yolu ilə həlli və "iki dövlət" prinsipinin həyata keçirilməsi üzrə Yüksək Səviyyəli Beynəlxalq Konfransa həmsədrlik etmişdilər. Bu konfrans nəticəsində Fələstin dövlətçiliyinə və daha geniş regional inteqrasiyaya aparan, fəaliyyət yönümlü yol xəritəsi olan Nyu-York Bəyannaməsi qəbul edilmişdi.

BMT Baş Assambleyası 2025-ci ilin sentyabrında 142 lehinə, 10 əleyhinə və 12 bitərəf səslə həmin bəyannaməni təsdiqləmişdi. Səudiyyə Ərəbistanı və Fransa həmin ayın sonunda konfransı yenidən toplamış və bu zaman 10 ölkə Fələstin Dövlətini tanıdığını elan etmişdi.

Çərşənbə günü şahzadə Faysal Fransa, Böyük Britaniya, Kanada və Fələstini tanıyan digər ölkələrin artan sayda atdığı addımları alqışlayıb və hələ bunu etməmiş dövlətləri də eyni yolu tutmağa çağırıb.

O, həmçinin Qəzza və İordan çayının qərb sahilinin sonda Fələstin Administrasiyası altında yenidən birləşdirilməsi məqsədilə Qəzza üzrə sülh planının tam həyata keçirilməsinə çağırıb.


Reportyor.az 




ABŞ Prezidenti Donald Tramp tərəfindən ötən il elan edilmiş Qəzza üzrə sülh planı Şahzadə Fəysəl Krallığın Ərəb Sülh Təşəbbüsünə, BMT-nin müvafiq qətnamələrinə və Nyu-York Bəyannaməsinə əsaslanan “hərtərəfli, ədalətli və davamlı sülh”ə sadiqliyini bir daha təsdiqlədi.
KARUSEL / DÜNYA