Gərgin iş rejimi və psixi xəstəliklər yaddaşın pozulmasına səbəb ola bilər.
Bu barədə rusiyalı həkim-psixiatr Nadejda Panova məlumat verib.
Onun sözlərinə görə, əgər zehni yorğunluq varsa, bir neçə gün dincəlmək daha yaxşıdır.
“Həddindən artıq iş çox vaxt yaddaşın pisləşməsinə gətirir. Zehni yorğunluğun öhdəsindən gələ bilməyəcəyinizi hiss etdikdə, tətilə çıxmaq və bir neçə gün dincəlmək daha yaxşıdır”, – Panova deyib.
O qeyd edib ki, yaddaş anemiya kimi somatik xəstəliklər, həmçinin iltihab və endokrin xəstəliklər səbəbindən də pozula bilər. Bu vəziyyətdə orqanizm bərpa olunduqca yaddaş yaxşılaşacaq. Yaddaş itkisi depressiyada da müşahidə olunur, lakin vaxtında aparılan müalicə bu prosesi geri döndərə bilir.
Bundan başqa, koqnitiv pozğunluğun çox ümumi səbəbi psixi xəstəlikdir. Belə hallarda ilk diqqət dağınıqlığı artır, insana diqqətini cəmləmək çətin olur.
Psixiatr hesab edir ki, əvvəlcə yaddaş pozğunluğu və digər idrak pozğunluqlarının dəqiq səbəbini müəyyənləşdirmək, daha sonra isə müalicəyə keçmək lazımdır.

SAĞLAMLIQ / KARUSEL