ÜST-nin Avropa regionunda yeni və təkrarlanan vərəmin 4,3 faizini 15 yaşa qədər uşaqlar təşkil edib ki, bu da əvvəlki illə müqayisədə 10 faiz çoxdur.

Reportyor.az xəbər verir ki, Ümumdünya Səhiyyə Təşkilatının (ÜST) Avropa Xəstəliklərin Qarşısının Alınması və Nəzarəti Mərkəzi (ECDC) ilə birgə hazırladığı hesabatda, Avropa Regionunda 172,000-dən çox yeni və ya təkrarlanan vərəm hadisəsinin qeydə alındığı, ardıcıl üçüncü ildir ki, artım olduğu aşkar edilmişdir.

Tapıntılar göstərir ki, bu artan yükü azaltmaq üçün təcili sağlamlıq tədbirləri lazımdır.

ÜST-nin Avropa Regional Direktoru Dr Hans Kluge bildirib ki, mövcud vərəm yükü və vərəmli uşaqlarda narahatlıq doğuran artım bu qarşısı alına bilən və müalicə oluna bilən xəstəliyə qarşı irəliləyişin kövrək olaraq qaldığını xatırladır.

Bu arada, ECDC-nin direktoru Dr Pamela Rendi-Vaqner 2030-cu il hədəflərinə çatmaq üçün cəmi beş il ərzində vərəmə son qoymaq üçün hərəkətə keçməyin vaxtının çatdığını deyib və Avropanı profilaktika və vaxtında, effektiv müalicəyə diqqətini yeniləməyə çağırıb.
SAĞLAMLIQ / KARUSEL