Azərbaycan Respublikasının Kiçik və Orta Biznesin İnkişafı Agentliyi (KOBİA) Mərkəzi-Şərqi Avropadan yüksək texnologiyalı startaplar üçün aparıcı innovasiya HUB-larından biri olan Startup Hub Poland Foundation ilə əməkdaşlıq memorandumu imzalayıb.
Reportyor.az xəbər verir ki, bu gün Polşa Respublikasının Səfirliyi, Azərbaycan Respublikasının Kiçik və Orta Biznesin İnkişafı Agentliyi, Startup Hub Poland Foundation və IdealHub Innovation and Technology Center birgə təşkilatçılığı ilə innovasiyalar üzrə Polşa-Azərbaycan seminarı keçirilib.

Tədbir zamanı innovasiyaların və startapların dəstəklənməsi sahəsində Polşa-Azərbaycan əməkdaşlığının inkişaf etdirilməsi imkanları, Çexiya, Macarıstan, Polşa, Slovakiya və Azərbaycan tərəfdaşlarından ibarət konsorsium tərəfindən 2022-ci ilin əvvəlindən başlamış təşəbbüs və xüsusilə də Polşa tərəfindən Azərbaycanda həyata keçirilən və çoxtərəfli V4-Azerbaijan Tech Bridge (V4ATB) proqramı çərçivəsində ətraflı müzakirələr olunub. Layihə Beynəlxalq Vişeqrad Fondu tərəfindən dəstəklənir və maliyyələşdirilir.
Tədbirin açılışında çıxış edən Kiçik və Orta Biznesin İnkişafı Agentliyinin (KOBİA) sədri Orxan Məmmədov əminliklə deyib ki, innovativ sahibkarlığın inkişafı Azərbaycanın və Polşanın mövcud iqtisadi potensialının güclənməsinə yol açacaq. Birgə təşəbbüslər hər iki ölkədən sahibkarlar, startapçılar və investorlar arasında müvafiq platformaların yaradılmasına töhfə verəcək və gələcək əməkdaşlığımıza təkan verəcək”. Sədr Orxan Məmmədov seminar iştirakçılarına KOBİA-nın yerli sahibkarların innovativ fəaliyyətinin stimullaşdırılması üçün dəstək mexanizmləri, o cümlədən Azərbaycanda biznesə start-up sertifikatlarının verilməsi və ümumi dəstək vasitələri haqqında da məlumat verib.
Polşa Respublikasının Azərbaycan Respublikasındakı səfiri Rafal Poborski birbaşa V4ATB proqramına istinad edərək qeyd etdi: “Mənim bu proqram çərçivəsində 2 DemoDay tədbirini açmaq və iştirak etmək imkanım olub və deməliyəm ki, mən Avropada tərəfdaş və maliyyə axtaran gənc istedadlı Azərbaycan startap komandalarının təqdim etdiyi təkliflərdən heyran oldum. Onlar əsasən texnoloji və biznes tərəfdən yaxşı hazırlıqlıdırlar”.
“Bütün proqramın təşəbbüskarı Polşa olduğu üçün onun 2023-cü ildə də davam etdiriləcəyinə şübhəm yoxdur, eləcə də bu gün imzalanmış sazişlər innovasiyalar sahəsində, həmçinin institusional və elmi səviyyədə Polşa-Azərbaycan əməkdaşlığı üçün yeni əməkdaşlıq perspektivləri yaradacaq”, – səfir Rafal Poborski deyə əlavə edib.
Baş direktor və Startup Hub Poland Fondunun təsisçisi (V4ATB proqramının rəhbəri) Maciej Sadowski Polşa startap ekosistemi, eləcə də innovasiyaları dəstəkləmək üçün Polşa alətləri haqqında əsas məlumatları təqdim etdi. O, həmçinin V4ATB proqramının cari nəticələrini müzakirə edib. “Varşavadan başlayaraq Vişeqrad bölgəsi Avropa İttifaqının ən sürətlə böyüyən startap regionu olan Çexiya, Macarıstan, Slovakiya və Polşanın ən canlı texnopolisində indiyədək birlikdə 8 oxşar bölməyə ev sahibliyi edib. Biz danışdıqca burada təkbuynuzlu bumu görsənir və mən Azərbaycanın bu isti qazandan bəhrələnməməsi üçün heç bir səbəb görmürəm" - deyən Maciej Sadowski bildirb. Proqram başlayandan bəri 160-dan çox startap komandası iştirak etmək üçün müraciət edib. İndiyədək 80 layihələr mentorluq və akselerasiya sessiyalarında, eləcə də demodeylərdə iştirak edib, bu müddət ərzində Azərbaycan startapları Polşa, Çexiya, Slovakiya, Macarıstan, eləcə də ABŞ və Türkiyədən bir sıra investorların auditoriyası qarşısında özlərini təqdim ediblər.
Öz növbəsində, IdealHub Innovation and Technology Center (V4ATB-nin yerli azərbaycanlı tərəfdaşı) təsisçisi Tural Kərimli bildirib ki, “IdealHub bir ildən azdır fəaliyyət göstərir və Azərbaycanda əsas tərəfdaşı olduğumuz ilk beynəlxalq layihəmizdir, V4-Azerbaijan Tech Bridge proqramı üçün Beynəlxalq
Vişeqrad Fondundan qrant almağımız idi, burada artıq 8 Avropa bölməsində 80 Azərbaycan startapını uğurla cəlb edə bilmişik. Bu gün burada sizinlə olmaq mənim üçün həqiqətən çox xüsusi bir andır. Peşəkar səviyyədə bu hadisə bizim üçün böyük bir mərhələdir. Bu gün biz görürük ki, biz həqiqətən də Azərbaycanda startap icması hisslərinin aşılanması istiqamətində ilk addımları ata bilmişik ki, bu da bizim əsas prioritetlərimizdən biridir”.
Tədbirin yekununda Polşa və Azərbaycan biznes cəmiyyətləri, startaplar, investorlar və s., məlumat, təcrübə mübadiləsi və ümumi tədbirlərin təşkilinə dair Kiçik və Orta Biznesin İnkişafı Agentliyi (KOBİA) və Startup Hub Poland Fondu arasında memorandum imzalanıb.

V4-Azerbaijan Tech Bridge (V4ATB) proqramı 2022-ci ildə Vişeqrad Qrupu (Çexiya, Macarıstan, Polşa, Slovakiya) ilə Azərbaycan arasında innovasiya mərkəzləri, özəl investorlar kimi startap ekosistem iştirakçılarını birləşdirərək innovasiyalar sahəsində əməkdaşlığın qurulması və genişləndirilməsi üçün yaradılıb, Azərbaycan startap və innovatorlarının potensialı ilə Aİ-dən vençur kapitalı fondları və innovasiya axtaran korporasiyalar üçün. Proqram bir tərəfdən Vişeqrad Qrupundan olan tərəfdaşlar (investorlar, akseleratorlar, mələklər, mentorlar və s.), digər tərəfdən isə Azərbaycandan olan startaplar və innovatorlar arasında yeni şəbəkə platformasıdır. Layihə bir sıra görüşlər, təlimlər, mükəmməllik proqramı, demodeylər, şəbəkələşmə, post-akselerasiya və nəhayət - 2023-cü ildə Bakıda keçiriləcək V4-Azerbaijan Startup Summit ibarətdir.
Layihə Polşa Respublikasının Bakıdakı Səfirliyinin təşəbbüsü ilə həyata keçirilib və Beynəlxalq Vişeqrad (V4) Fondundan maliyyə alıb. Təşəbbüs Vişeqrad Qrupundan 4 Tərəfdaşdan ibarət Konsorsium tərəfindən həyata keçirilir: Startup Hub Poland Foundation (Polşa, layihə rəhbəri), AI Startup Incubator (Çexiya), StartITup Győr (Macarıstan), CIVITTA (Slovakiya) və Azərbaycandan IdealHub Innovation and Technology Center. Proqramın bir sıra icma tərəfdaşları var (məsələn, Azərbaycan Neft və Sənaye Universiteti, Azərbaycan Mikromaliyyə Assosiasiyası, Social Innovation Lab, Youth Inc., Gamepons) və bütün Vişeqrad ölkələrinin Bakıdakı səfirliklərinin dəstəyindən yararlanıb: Çexiya Səfirliyi, Macarıstan Səfirliyi, Polşa Səfirliyi və Slovakiya Səfirliyi.


KARUSEL / SOSİAL