Əfqanıstanın qonşuları və digər regional dövlətlərin, o cümlədən Çin və Hindistanın məşvərət toplantısı Taliban hökumətindən ölkənin “terrorizm və qeyri-sabitliyin qaynar nöqtəsi” olmasının qarşısını almağı xahiş edib – bu, Pakistanın qaldırdığı narahatlıqları təsdiqləyir.
"Geo News" xəbər verir ki, bu tələb Rusiyanın Kazan şəhərində Çin, Hindistan, İran, Qazaxıstan, Qırğızıstan, Pakistan, Rusiya, Türkmənistan və Özbəkistandan olan xüsusi nümayəndələr və yüksək vəzifəli rəsmilər səviyyəsində Əfqanıstan üzrə Moskva formatında məsləhətləşmələrin beşinci iclasının yekunlaşmasından sonra verilən bəyanatda yer alıb. 
Görüşdə Əfqanıstanın xarici işlər naziri Əmir Xan Müttəqi də iştirak edib. Səudiyyə Ərəbistanı, Qətər, Birləşmiş Ərəb Əmirlikləri və Türkiyə nümayəndələri fəxri qonaq qismində qatılıb.
Rusiya Xarici İşlər Nazirliyinin yaydığı bəyanatda tərəflər terror qruplaşmalarının, ilk növbədə İŞİD-in fəaliyyətinin fəallaşması səbəbindən Əfqanıstanda çətin təhlükəsizlik vəziyyətini narahatlıqla qeyd edib.
İştirakçılar hazırkı Əfqanıstan hakimiyyətini İŞİD-ə qarşı ciddi mübarizə apardıqlarına görə təqdir etməklə yanaşı, onları bütün terror qruplaşmalarına qarşı eyni addımı atmağa çağırıb.
Onlar həmçinin Əfqanıstanın hazırkı hakimiyyət orqanlarını Əfqanıstanda yerləşən hər cür terror qruplarının məhv edilməsi və yerləşdirilməməsi, ölkənin terrorizm və qeyri-sabitliyin qaynar nöqtəsi olmasının və region dövlətlərinə yayılmasının qarşısını almaq üçün təsirli tədbirlər görməyə səsləyib.
İclasda Taliban hökmdarlarının Əfqanıstan ərazisindən gələn terrorizm və narkotik ticarəti təhlükələrinə qarşı mübarizədə region ölkələri ilə əməkdaşlığı gücləndirmələri vurğulanıb.
KARUSEL / DÜNYA / REDAKTOR SEÇİMİ