İranın baş danışıqçısı və parlament sədri Məhəmməd Baqer Qalibaf çərşənbə günü bildirib ki, ABŞ-dakı aralıq seçkilərdə Demokratların Respublikaçılar üzərində qələbəsi amerikalıların müharibəni rədd etməsi deməkdir.

Qalibaf “X” sosial media platformasında yazıb: “İstər daxili inancdan, istərsə də yaşayış xərclərinin ağırlığından olsun, amerikalılar 'Müharibəyə yox' dedilər və biz bu mesajı dəstəkləyirik”.

“Decision Desk HQ” və müxtəlif media orqanlarının proqnozlarına əsasən, Demokrat Partiyası həm Senata, həm də Nümayəndələr Palatasına nəzarəti ələ keçirib. Bununla da, əvvəllər Respublikaçılara məxsus olan bir sıra yerləri qazanan Demokratlar Konqresdə dörd il davam edən azlıq dövrünə son qoyublar. Bu nəticə prezident Donald Tramp və Respublikaçı Partiya üçün siyasi uğursuzluq deməkdir.

Seçki nəticələri və proqnozlar göstərir ki, ABŞ administrasiyasının fəaliyyətindən, iqtisadi vəziyyətdən və artan qiymətlərdən ictimai narazılığın artdığı bir vaxtda Demokratlar Konqres seçkilərində mövqelərini gücləndiriblər. Bir çox seçici bu seçkilərə Trampa və onun siyasətinə qarşı çıxdığını ifadə etmək üçün bir fürsət kimi baxıb.

Reportyor.az 



KARUSEL / DÜNYA