Yaponiyanın “Mitsubishi Motors” avtokonserni azalan satış həcmi ilə bağlı Çində istehsalını dayandırmaq barədə qərar qəbul edib.
Konsernin saytında yerləşdirilən məlumata görə, “Mitsubishi Motors” Çinin “GAC Group” kompaniyası ilə 2012-ci ildə Hunan əyalətində istehsala başladığı birgə müəssisədən çıxacaq.
“Mitsubishi Motors” və “GAC Group” tərəfindən istehsal olunan avtomobillərin satışında pik dövr müştərək müəssisənin 140 min avtomobil satdığı 2018-ci ilə təsadüf edir. Sonradan Çin bazarında elektromobillərə və yerli avtomobillərə artan tələbat fonunda satış göstəricisi azalmağa başlayıb. Nəticədə müəssisə 2023-cü ilin mart ayından fəaliyyətini dayandırıb.
KARUSEL / DÜNYA