Hindistan hökuməti, hərbi qulluqçularına Maldiv adaları hökumətinin tələbi ilə Maldiv adalarından qoşun çıxarmağı əmr etməyib.
Bu barədə Hindistan Hərbi Dəniz Qüvvələrinin Baş komandanı admiral R. Hari Kumar CNN-xəbər 18 telekanalına açıqlamasında bildirib.
"Qərar nə olursa olsun, təlimatları gözləyirik. Yeni Dehli bu günə qədər donanmaya həqiqətən heç bir məlumat göndərməyib".

Hindistanın Maldiv adaları ilə əlaqələri, Maldiv prezidenti Məhəmməd Muizzunun keçən il seçkilərdə qalib gəlməsindən sonra ölkəsinin “Öncə Hindistan” siyasətinə son verəcəyini və daha sonra Hindistan qoşunlarının martın 15-dək çıxarılmasını tələb etməsindən sonra gərginləşib.
Muizzunun qərarları, Yeni Dehli və Pekinin nüfuz uğrunda rəqabət apardığı bir bölgədə Çinlə daha güclü əlaqələr qurmaq üçün Hindistandan uzaqlaşma nöqtəsi kimi qəbul edilir.

Təxminən 80 Hindistan əsgərindən ibarət kontingent Yeni Dehli tərəfindən Maleyə verilən hərbi texnikaya dəstək vermək və humanitar fəaliyyətlərə kömək etmək üçün Hind okeanı arxipelaqı ölkəsində yerləşdirilib.

KARUSEL / DÜNYA