Polşa NCSI (Milli Kibertəhlükəsizlik İndeksi) kibertəhlükəsizlik reytinqində birinci yeri tutub.
NCSI ölkələrin kibertəhlükəsizlik göstəricilərini ölçür və həll edilməli olan əsas sahələri müəyyən edir.
Bu barədə NASK PIB-nin direktor müavini - Kibertəhlükəsizlik və İnnovasiyalar üzrə direktor Adam Marczyński deyib: "Şübhəsiz ki, Polşanın reytinqdə fərqlənməsi kibertəhlükəsizlik üzrə ixtisaslaşmış və bizi hər gün təhlükələrdən qoruyan mütəxəssislərimizin işi ilə fəxr etmək üçün əsasdır. Bununla belə, heç bir sıralama bizim sayıqlığımızı və hərəkətə keçməyə hazırlığımızı zəiflədə bilməz. Biz kiberhücumları dəf etmək bacarığımızı təkmilləşdirməyə və inkişaf etdirməyə davam etməliyik".

Adam Marczyński 2023-cü il yanvarın 1-dən NASK PIB-nin direktor müavini - Kibertəhlükəsizlik və İnnovasiyalar üzrə Direktor vəzifəsinə başlayıb. 2001-ci ildən o, informasiya təhlükəsizliyi və kibertəhlükəsizliyi ilə məşğul olur, bulud hesablamalarında məlumatların emalının təhlükəsizliyinə xüsusi diqqət yetirir.
KARUSEL / DÜNYA