Rusiya prezidenti Vladimir Putin Səudiyyə Ərəbistanının vəliəhd şahzadəsi Məhəmməd bin Salmana Soyuq Müharibədən sonra ABŞ-Rusiya arasında ən böyük əsir mübadiləsinin təşkilinə kömək etdiyinə görə minnətdar olduğunu deyib.

Rusiya prezidenti bunu Şərq İqtisadi Forumunda açıqlayıb:“Səudiyyə Ərəbistanının vəliəhdi bu işin ilkin mərhələlərində fəal rol oynayıb. Biz ona çox minnətdarıq, çünki bu, vətəndaşlarımızın vətənə qayıtması ilə nəticələndi”.

ABŞ jurnalisti Evan Gershkoviç və keçmiş ABŞ dəniz piyadası Pol Uilan avqustun 1-də iki ölkə arasında Soyuq Müharibədən bəri ən böyük məhbus mübadiləsində Rusiya həbsindən azad edildikdən bir neçə saat sonra ABŞ-a qayıdıb.

Bir ildən artıq müddət ərzində məxfi şəkildə işləyən mübadilə müqaviləsində 24 məhbus iştirak edirdi - 16-sı Rusiyadan Qərbə köçür, 8-i isə Qərbdən Rusiyaya geri göndərilir.

Putin həmçinin, mübadilə üçün yer ayırdığı üçün Türkiyə prezidenti Rəcəb Tayyib Ərdoğana təşəkkür edib. O, bir sıra digər ərəb ölkələrinin mübadilə prosesinə kömək etdiyini xatırladıb, lakin onların adını çəkməyib.

KARUSEL / DÜNYA