Mərakeşin Gənclər, Mədəniyyət və Kommunikasiya Nazirliyi 2024-cü ildə 68 mədəniyyət və incəsənət layihəsini dəstəkləmək üçün 7 milyon dirhəm (MAD) ayırıb.

Nazirliyin yaydığı məlumatda deyilir ki, qiymətləndirmə komitəsi iyulun 10-dan sentyabrın 2-dək rəqəmsal platforma vasitəsilə daxil olan 216 layihə təklifini qiymətləndirərək, yekunda 68 layihə təklifini maliyyələşdirmək üçün seçib.

Ümumi maliyyələşdirmədən 6,378 milyon dirhəm musiqi istehsalı və mahnı müəllifliyi ilə bağlı 61 layihəni dəstəkləyəcək. Musiqi məhsullarının təbliği və yayılmasına yönəlmiş üç layihəyə əlavə olaraq 430.000 dirhəm ayrılacaq. Beynəlxalq musiqi festivallarında iştirak üçün bir layihəyə 60.000 dirhəm, iki bədii rezidentura layihəsinə isə 80.000 dirhəm ayrılacaq. Nəhayət, 60.000 dirhəm ifaçılıq sənəti və xoreoqrafiya sahəsində bir layihəni maliyyələşdirmək üçün istifadə olunacaq.

Reportyor.az
KARUSEL / MƏDƏNİYYƏT