Türkiyədə birgünlük matəm elan edilib.

Reportyor.az xəbər verir ki, bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra çıxışında deyib.
O, Türkiyədə yanğın nəticəsində ölənlərin yaxınlarına başsağlığı verib.
Qeyd edək ki, baş vermiş dəhşətli yanğında ölənlərin sayı 66 nəfərə çatıb, 51 nəfərin yaralandığı bildirilir.
Xatırladaq ki, yanğın ötən gecə yerli vaxtla 03:30 radələrində 11 mərtəbəli binanın dördüncü mərtəbəsində başlayıb. Hadisə yerinə 30 yanğınsöndürən maşın və 28 təcili tibbi yardım maşını səfərbər olunub.
Bolunun valisi Əbdüləziz Aydın yanğının səbəbinin hələ ki, məlum olmadığını desə də, alovun restoranın yerləşdiyi mərtəbədən başladığını ehtimal edir. Hadisə zamanı hoteldə 234 qonaq olub.
Yanğınla əlaqədar istintaq başlanılıb. Hadisə ilə əlaqədar mehmanxananın sahibi də daxil olmaqla 4 nəfər saxlanılıb.
KARUSEL / DÜNYA