Səudiyyə Ərəbistanının kralı Salman və vəliəhd şahzadə Məhəmməd bin Salman Əhməd əl-Şaraanı Suriyanın müvəqqəti prezidenti təyin olunması münasibətilə təbrik edib.

Reportyor.az xəbər verir ki, Suriyanın yeni hakimiyyət orqanları çərşənbə günü bəyan ediblər ki, ötən ay Bəşər Əsədin devrilməsindən sonra hakimiyyəti ələ keçirən əl-Şara müvəqqəti prezident seçilib və keçid qanunverici orqanı yaratmaqla vəzifələndirilib.

Keçən həftə Səudiyyə Ərəbistanının xarici işlər naziri şahzadə Faysal bin Fərhan Dəməşqə səfər edib və orada əl-Şara ilə görüşüb. Şahzadə Faysal bildirib ki, Ər-Riyad Suriyanın yeni hakimiyyət orqanlarına beynəlxalq sanksiyaların aradan qaldırılmasında kömək etməyə çalışır.

O əlavə edib ki, Səudiyyə Ərəbistanı Suriyanın yanındadır və bütün sanksiyaların ləğvi və dondurulmasının sürətləndirilməsinin vacibliyinə işarə edib.

Suriyanın yeni hökumətinin ilk rəsmi xarici səfəri bu ölkəyə humanitar yardım edən Səudiyyə Ərəbistanına olub.

Keçən ay Əl-Şaraa Əl-Ərəbiyyəyə demişdi ki, Krallıq əlbəttə ki, Suriyanın gələcəyində böyük rola malik olacaq və bütün qonşu ölkələr üçün böyük investisiya fürsətinə işarə edib.

O qeyd edib ki, o vaxt atasının işlədiyi Səudiyyə Ərəbistanında anadan olub və həyatının ilk bir neçə ilini orada yaşayıb.
KARUSEL / DÜNYA