Fransanın Silahlı Qüvvələr naziri Sebastien Lecornu bəyan edib ki, Fransa Ukraynaya 195 milyon avro dəyərində yeni hərbi yardım paketi vermək niyyətindədir.

Reportyor.az xəbər verir ki, mətbuat açıqlamasında nazir izah edib ki, bu yeni yardımın maliyyələşdirilməsi Rusiyanın dondurulmuş aktivlərinə olan faizdən gələcək. O, həmçinin ABŞ-ın Ukraynaya silah tədarükünü dayandırmaq qərarını Kiyevə “ağır zərbə” kimi qiymətləndirib.

Lecornu əlavə edib ki, hərbi yardıma 155 millimetrlik mərmilər, həmçinin Parisin müharibə üçün Ukraynaya təhvil verdiyi Fransız Mirage 2000 qırıcılarının istifadə etdiyi AASM havadan yerüstü silahlar daxildir.

Ağ Ev keçən həftə ABŞ-ın Ukraynaya dəstəyi dayandıracağını və onun Rusiya-Ukrayna böhranının həllinə töhfə verməsini təmin etmək üçün yanaşmasını nəzərdən keçirəcəyini açıqlamışdı.
KARUSEL / DÜNYA