"Prezident Zərdari özəl xəstəxanada yoluxucu xəstəliklər üzrə mütəxəssislərdən tibbi yardım alır. Vəziyyətinə görə prezidentlə bütün görüşlər qəti qadağan edilib”.

Reportyor.az xəbər verir ki, bunu Geo News-a danışan Dr Hussain deyib.

O, daha sonra bildirib ki, prezident Zərdari yaxından müşayət olunur və onun səhhətinin vəziyyətini qiymətləndirmək üçün çoxsaylı testlər aparılıb. Tibb qrupu onun vəziyyətini effektiv idarə etmək üçün gecə-gündüz müşahidəni təmin edir.

Pakistan Prezident Asif Əli Zərdari səhhətində problemlər yarandıqdan sonra Navabşahdan Kəraçidəki özəl xəstəxanaya aparılıb.

Ayrı-ayrılıqda Sind əyalətinin baş naziri Şarcil Memon Zərdarinin səhhəti ilə bağlı yayılan xəbərləri təkzib edib və səhhətinin yaxşılaşdığını bildirib.

Memon açıqlamasında bildirib ki, prezident Zərdarinin müalicə üçün Dubaya aparıldığına dair xəbərlər həqiqətə uyğun deyil və onun tezliklə tam sağalacaq.

Bundan əvvəl baş nazir Şahbaz Şərif telefonla prezident Zərdarinin səhhəti ilə maraqlanmışdı.


KARUSEL / DÜNYA