Kreml bildirib ki, Rusiya prezidenti Vladimir Putin hələ də Ukraynada atəşkəs ideyasını dəstəkləyib, lakin bunun necə işləyəcəyi ilə bağlı bir çox cavabsız suallar qalıb.

ABŞ prezidenti Donald Tramp vəzifəyə gəldikdən sonra Moskva və Kiyev arasında tezliklə atəşkəs əldə etməyə çalışır, lakin onun administrasiyası hər iki tərəflə danışıqlara baxmayaraq, irəliləyişə nail ola bilməyib.

Reportyor.az xəbər verir ki, Kremlin sözçüsü Dmitri Peskov bazar ertəsi jurnalistlərə deyib ki, Putin atəşkəsə ehtiyac olması fikrini dəstəkləyir, lakin bundan əvvəl bir sıra suallara cavab verilməlidir.

“Bu suallar havada dolaşır, indiyədək heç kim onlara cavab verməyib” - deyə o əlavə edib və irəliləyişin olmamasının səbəbini “Kiyev rejiminin nəzarətsizliyi” ilə əlaqələndirib.


KARUSEL / DÜNYA