Ukrayna müharibəsi prezident Vladimir Putinin qarşıya qoyduğu məqsədlərə hərbi əməliyyat və ya danışıqlar yolu ilə nail olunana qədər davam edəcək.

Reportyor.az xəbər verir ki, bunu Kremlin sözçüsü Dmitri Peskov Moskvanın münaqişə ilə bağlı ifadəsindən istifadə edərək jurnalistlərə deyib.

Putin Ukraynadan NATO-ya üzv olmaq ambisiyasından əl çəkməsini və Rusiyanın özünün iddia etdiyi ölkənin dörd regionundan tamamilə çıxmasını tələb edib – Kiyev bu şərtləri təslim olmağa bərabər hesab edib.

“Xüsusi hərbi əməliyyat prezident və ali baş komandanın qarşıya qoyduğu bütün məqsədlərə nail olanda başa çatacaq. Bu məqsədlərə xüsusi hərbi əməliyyat və ya müvafiq danışıqlar nəticəsində nail olmaq olar”.

Peskov deyib ki, hazırda Moskva və Kiyev arasında heç bir danışıqlar aparılmır, çünki Ukrayna tərəfi hər hansı danışıqlardan imtina edir.

Bazar ertəsi Ukrayna prezidenti Vladimir Zelenski müharibənin diplomatik yolla həlli üçün çıxış etdi və xarici qoşunların NATO-ya qoşulana qədər Ukraynada yerləşdirilməsi ideyasını gündəmə gətirdi.
KARUSEL / DÜNYA