İsrailin baş naziri Benyamin Netanyahu cümə günü yəhudilərin Passover (Pasxa) bayramı münasibətilə verdiyi mesajda Qəzzada hələ də saxlanılan girovların geri qaytarılacağına dair sözünü təkrarlayıb.

Reportyor.az xəbər verir ki, israillilərin Misirdəki əsarətdən Biblical azadlığını qeyd edən Passover bayramı üçün videomüraciətində Netanyahu "bir çox ailələr üçün boş stul olacaq" deyib.

“Birlikdə girovlarımızı qaytaracağıq, düşmənlərimizi birlikdə məğlub edəcəyik, yaralılarımızı bir yerdə qucaqlayacağıq və birlikdə şəhidlərimizin xatirəsinə baş əyəcəyik”.

İsrail mediası cümə günü səhər saatlarında Misir və İsrailin atəşkəslə bağlı girovların azad edilməsinə dair sənəd layihələri mübadiləsi apardıqlarını bildirib.

“The Times of Israel” yazıb ki, Misirin təklifi 40 ilə 70 gün arasında atəşkəs və çoxlu sayda fələstinli məhbusların azad edilməsi müqabilində səkkiz canlı girovun və səkkiz cəsədin azad edilməsini nəzərdə tutur.

İctimai yayımçı Kan bildirdi ki, Netanyahu cümə axşamı günü danışıqlar qrupu və təhlükəsizlik qurumunun rəsmiləri ilə yeni Misir planı fonunda vəziyyətin qiymətləndirilməsi aparıb.

Netanyahunun ofisi bildirib ki, baş nazir cümə axşamı girovlar Elkana Bohbot və Rom Braslavskinin ailələri ilə də görüşüb və o, İsrailin girovların qaytarılması istiqamətində çalışdığını və danışıqlar barədə məlumat verdiyini bildirib.

2023-cü ilin oktyabrında HƏMAS-ın İsrailə hücumu zamanı fələstinli yaraqlılar 251 nəfəri girov götürüb, onlardan 58-i hələ də Qəzzada saxlanılır, o cümlədən İsrail hərbçilərinin verdiyi məlumata görə, 34 nəfər ölüb.

Yanvarın 19-da ABŞ, Misir və Qətərin vasitəçiliyi ilə qüvvəyə minən atəşkəs 1800-ə yaxın fələstinli məhbusun azad edilməsi müqabilində səkkizi tabutda olmaqla 33 israilli girovun geri qaytarılmasını təmin etdi.

İsrail martın 18-də Qəzza zolağına intensiv zərbələri bərpa edib və atəşkəs pozulub.

Qəzzanın səhiyyə nazirliyi cümə axşamı günü bildirib ki, o vaxtdan bəri 1522 nəfər həlak olub, müharibə başlayandan bəri ölənlərin ümumi sayı 50,886-ya çatıb.
KARUSEL / DÜNYA