Moskva məhkəməsi Alphabet-in Google şirkətini Ukraynada həlak olan rus hərbçilərinin şəxsi məlumatlarını açıqlamaqda təqsirli bilib.

Reportyor.az TASS-a istinadla xəbər verir ki, məhkəmənin sənədlərində deyilir ki, YouTube-da yayımlanan videoda Rusiya hərbçilərinin Ukraynada itkiləri ilə bağlı məlumatlar, eləcə də onların şəxsi məlumatları açıqlanıb.

Rusiya bir neçə ildir ki, xarici texnoloji platformalara qanunsuz hesab etdiyi məzmunu, məsələn, Ukraynadakı müharibə ilə bağlı "saxta" adlandırdığı məzmunu silməyi əmr edir, riayət edilmədiyini görəndə kiçik, lakin davamlı cərimələr verir.

Rusiya prezidenti Vladimir Putin dekabrda Google-u keçmiş prezident Co Baydenin rəhbərlik etdiyi ABŞ hökumətinin siyasi xal toplamaq üçün istifadə etdiyi alət olmaqda ittiham edib.
KARUSEL / DÜNYA