Koreya xalqının qədim və zəngin mədəniyyət nümunələrindən biri olan 단오 (Dano) bayramı nədir?

Dano bayramı, Koreya ay təqvimi ilə hər il 5-ci ayın 5-ci günü qeyd olunur ki, bu tarix bu il 31 may 2025-ci ilə təsadüf edir.

Bu tarix, təbiətdə yang enerjisinin (양기) ən yüksək səviyyəyə çatdığı gün olmaqla, ilin ən güclü və müsbət enerjili günlərindən biri sayılır.

Bayramın tarixi Qoquryo dövrünə (təqribən e.ə. 4-cü əsr) qədər uzanır. Coson sülaləsi dövründə isə Dano, dövlət səviyyəsində qeyd edilən dörd əsas milli bayramdan biri olub.

Dano, Koreya xalqının çoxəsrlik adət-ənənələrini yaşatması və nəsildən-nəslə ötürməsi səbəbilə UNESCO-nun Qeyri-Maddi Mədəni İrsi siyahısına daxil edilib.

Dano bayramı zamanı həyata keçirilən rituallar həm bədənin, həm də ruhun təmizlənməsi və gücləndirilməsi məqsədi daşıyır:

• Yelləncəkdə yellənmək (그네뛰기 )-qızların enerji və sağlamlıq arzusunu simvolizə edir.

• Kişilər arasında keçirilən ənənəvi Koreya güləşi (씨름)- güc, dözümlülük və bolluq arzusunu simvolizə edir.

• Qamışotu (창포) ilə saçların yuyulması – bəd nəzər və xəstəliklərdən qorunmaq üçün tətbiq edilən qədim ritualdır.

• Ətirli otlarla vanna qəbul edilməsi, rəngli ipliklərlə toxunmuş uğur kəmərlərinin taxılması, və ənənəvi əl yelpiklərinin (부채) hədiyyə olunması – hər biri rifah, sağlamlıq və paylaşma niyyətini ifadə edən dərin simvolik məna daşıyır.

Tarix: 27-05-2025, 17:35