Səudiyyə Ərəbistanının vəliəhd şahzadəsi Məhəmməd bin Salman (MBS) Fələstin muxtariyyətinin vitse-prezidenti Hüseyn əl-Şeyx ilə görüşüb və Fələstində baş verən son hadisələri müzakirə ediblər.

Bu barədə krallığın yerli mediası xəbər verir.

Məhəmməd bin Salman Əl-Şeyxi Ər-Riyaddakı əl-Yəmamə sarayında qarşılayıb, burada Fələstin məsələsini və Fələstin xalqının maraqlarını dəstəkləmək üçün göstərilən səyləri nəzərdən keçiriblər.

MBS və əl-Şeyx arasında görüş İsrailin Qəzzada humanitar vəziyyətlə bağlı beynəlxalq etirazlara baxmayaraq, Qəzzadakı hərbi əməliyyatlarında irəliləməyə davam etdiyi bir vaxta təsadüf edir.

Söhbət həm də ABŞ dövlət katibi Marko Rubionun keçən həftə BMT Baş Assambleyasının bu ay keçiriləcək illik yüksək səviyyəli iclası ərəfəsində Fələstin prezidenti Mahmud Abbas və 80 digər rəsminin vizalarını milli təhlükəsizlik maraqlarını əsas gətirərək ləğv etməsindən sonra baş verib.

Abbas bu il yaxın köməkçisi Əl-Şeyxi Fələstin Azadlıq Təşkilatının (FAT) ilk vitse-prezidenti təyin etmişdi.

Reportyor.az




KARUSEL / DÜNYA