İndoneziya hökuməti qarşıdakı beş il ərzində milli gübrələrin özünü təmin etməsini gücləndirmək üçün yeddi yeni müasir gübrə zavodu qurmağı planlaşdırır, onlardan beşinin 2029-cu ilə qədər tamamlanması nəzərdə tutulur.

Kənd Təsərrüfatı naziri Andi Amran Sulaiman keçirdiyi mətbuat konfransında  deyib ki, iİnkişaf büdcəsi 50 trilyon rupi (3 milyard ABŞ dolları) ətrafındadır.

O qeyd edib ki, yeni zavodlar enerjiyə qənaət etməklə istehsal xərclərini azaltmağa kömək edəcək. Köhnə fabriklər istismar xərclərinin 43%-ni qaza ayırdığı halda, yeni qurğuların yalnız 22-23%-ni xərcləyəcəyi gözlənilir.

Nazir əlavə edib ki, hərtərəfli islahatlar hökumətə 10 trilyon Rp (601 milyon ABŞ dolları) qənaət etməyə və gübrə istehsalı xərclərini 26 faiz azaltmağa imkan verib.

Nazirlik tərəfindən gübrə idarəetmə proqramları, həmçinin dövlətə məxsus gübrə istehsalçısı PT Pupuk İndoneziyanın 2026-cı ildə 2,5 trilyon Rp-ə (150,3 milyon ABŞ dolları) çatacağı və ümumi gəlirinin 7,5 trilyon Rp (451 milyon ABŞ dolları) olacağı proqnozlaşdırılan mənfəətini artırmağa kömək edib.

Yeni zavodların yaradılması 2029-cu ilədək subsidiyalaşdırılmış gübrə istehsalının mərhələli şəkildə 700 min tona çatdırılması üçün imkanlar yaradacaq.

Reportyor.az



KARUSEL / İQTİSADİYYAT