İran Qərblə gərginliyin artmasının qarşısını almaq üçün Birləşmiş Millətlər Təşkilatının müfəttişləri ilə əməkdaşlığı ciddi şəkildə yaxşılaşdırmalıdır.

Bu barədə "Financial Times" qəzeti Beynəlxalq Atom Enerjisi Agentliyinin rəhbəri Rafael Qrossiyə istinadən xəbər verir.
 
Qrossi "FT"-yə bildirib ki, MAQATE iyun ayında İsraillə hərbi əməliyyatlardan bəri İranda təxminən on iki yoxlama aparsa da, ABŞ tərəfindən bombalanan Fordo, Nətənz və İsfahan kimi nüvə obyektlərinə giriş imkanı verilməyib.

Qrossi oktyabr ayında İranın zənginləşdirilmiş uran ehtiyatının yaxınlığında hərəkət aşkar edildiyini, lakin bunun zənginləşdirmə fəaliyyətinin olduğunu göstərmədiyini bildirib.

İran Xarici İşlər Nazirliyinin sözçüsü İsmayıl Bəqayi daha sonra bildirib ki, Qrossi İranın nüvə proqramının sülh xarakterli mahiyyətindən tam xəbərdardır və bu barədə əsassız fikirlər ifadə etməməlidir.

İran rəsmiləri İsrailin bombardmanına haqq qazandırmaqda MAQATE-ni günahlandırdılar. Bu, MAQATE idarə heyətinin İranın Nüvə Silahlarının Yayılmaması Müqaviləsi üzrə öhdəliklərini pozduğunu elan etməsindən bir gün sonra başladı.

Qrossi bildirib ki, agentlik İranla "kələ-kötür" münasibətlərə anlayışla yanaşmağa çalışsa da, ölkə yenə də buna əməl etməlidir.

Qrossi deyib: "Siz 'Mən nüvə silahlarının yayılmaması müqaviləsi çərçivəsində qalıram' deyə bilməzsiniz, sonra isə öhdəliklərə əməl etməməlisiniz. Siz MAQATE-nin 'OK, müharibə olduğuna görə siz fərqli bir kateqoriyadasınız' deməsini gözləyə bilməzsiniz. Əks halda, mən bu materialın bütün görünürlüyünü itirdiyimi bildirməli olacağam."

Reportyor.az



KARUSEL / DÜNYA