Kremlə hələ Ukraynanın ABŞ prezidenti Donald Tramp tərəfindən təklif edilən sülh planı ətrafında danışıqlar aparmağa hazır olduğu barədə məlumat verilməyib.

Bu barədə Rusiyanın RIA dövlət xəbər agentliyinin cümə günü Kremlə istinadən verdiyi məlumatda deyilıir. 

Prezident Volodimir Zelenskinin ofisi bildirib ki, o, cümə axşamı Rusiyanın Ukraynadakı müharibəsinə son qoymaq üçün ABŞ tərəfindən dəstəklənən yeni bir planın layihəsini alıb və yaxın günlərdə prezident Donald Trampla danışıqlar aparmağı planlaşdırır.

Çərşənbə günü iki mənbə Reuters agentliyinə bildirib ki, Vaşinqton Zelenskiyə Kiyevin təxminən dörd ildir davam edən müharibəyə son qoymaq üçün ABŞ tərəfindən hazırlanmış çərçivəni qəbul etməli olduğuna işarə edib. Bu çərçivəyə ərazi güzəştləri və Ukrayna silahlı qüvvələrinə məhdudiyyətlər daxildir.

Avropa ölkələri cümə axşamı günü Kiyevin daha çox torpaqdan imtina etməsini və qismən silahsızlaşdırılmasını tələb edəcəyi plana qarşı çıxıblar. Bu şərtlər Ukraynanın müttəfiqləri tərəfindən uzun müddət təslim olmağa bərabər hesab olunurdu.

Reportyor.az




KARUSEL / DÜNYA