Somali Federal Respublikası Mərakeşin ərazi bütövlüyünə və bütün ərazisi üzərində suverenliyinə dəstəyini bir daha təsdiqlədi və BMT Təhlükəsizlik Şurası tərəfindən 2797 saylı qətnamənin qəbul edilməsini alqışlayıb.

Yerli media xəbər verir ki, Rabatda Xarici İşlər, Afrika Əməkdaşlıq və Mərakeş Mühacirləri naziri Nasser Bourita ilə keçirilən ikitərəfli görüşdə Somalinin Xarici İşlər və Beynəlxalq Əməkdaşlıq naziri Abdisalam Abdi Ali ölkəsinin Mərakeşin ərazi bütövlüyünə və bütün ərazisi üzərində suverenliyinə sadiq mövqeyini bir daha təsdiqləyib.

İki nazir arasında danışıqlardan sonra imzalanan Birgə Kommünikedə Abdi Ali, Krallığın Mərakeş suverenliyi çərçivəsində təqdim etdiyi muxtariyyət planını son həll üçün ədalətli və davamlı bir qətnamənin əsası kimi təsbit edən BMT Təhlükəsizlik Şurasının 2797 saylı qətnaməsinin qəbul edilməsini dərin məmnuniyyətlə qeyd edib.

Bu müzakirələr zamanı Abdi Ali Mərakeş Krallığının bu süni regional mübahisəyə son qoymaq üçün ciddi və real səylərini alqışlayaraq, Somalinin BMT Baş katibinin və onun Səhra üzrə şəxsi elçisinin səylərini tam dəstəklədiyini bildirib.

Öz növbəsində, Bourita BMT Təhlükəsizlik Şurası tərəfindən 31 oktyabr 2025-ci ildə qəbul edilmiş 2797 saylı qətnamənin lehinə səs verdiyinə görə Mərakeşin Somali Federal Respublikasına minnətdarlıq edibb.

O, həmçinin Somali həmkarına Mərakeşin Somalinin ərazi bütövlüyünə və bütün ərazisi üzərində suverenliyinə hörmət etmək öhdəliyini bir daha təsdiqləyib.

Reportyor.az 


KARUSEL / DÜNYA