Xarici İşlər Nazirliyi bildirib ki, Pakistanın Əfqanıstanla diplomatik kanalları aktiv olaraq qalır və iki qonşu ölkə arasında əlaqələr davam edir.

Yerli media xəbər verir ki,  bu gün keçirilən həftəlik mətbuat brifinqində Xarici İşlər Nazirliyinin sözçüsü Tahir Hüseyn Andrabi Pakistanın Əfqanıstanın daxili işlərinə qarışmadığını vurğulayıb.

Sərhədyanı terrorizmlə bağlı narahatlıqlarını ifadə edən Xarici İşlər Nazirliyinin sözçüsü deyib ki, Əfqanıstandan qaynaqlanan terror hadisələri Pakistan üçün əsas narahatlıqdır. Bizim tələbimiz Əfqanıstan ərazisinin Pakistana qarşı istifadə edilməməsidir.

Bu narahatlıqların aradan qaldırılması üçün lazım olan addımları vurğulayan Andrabi əlavə edib ki, Əfqanıstan hakimiyyətindən yazılı, təsdiqlənə bilən və konkret zəmanətlərə ehtiyacımız var. Bu yazılı öhdəliklər olmadan terrorizm məsələsi həll edilə bilməz.

Sözçü əlavə etdi ki, terrorizmin həlli ikitərəfli münasibətlərdə əhəmiyyətli dərəcədə yaxşılaşmaya yol açacaq. Pakistan və Əfqanıstanın başqa heç bir böyük ikitərəfli mübahisəsi yoxdur.

Əfqanıstanın daha geniş regional roluna gəldikdə, sözçü dedi ki, Əfqanıstanın regional mərkəzə çevrilmək üçün əhəmiyyətli potensialı var.

“Terrorizmə son qoymaq üçün yazılı zəmanətlər və praktik addımlar sərhəd və ikitərəfli məsələlərdə irəliləyiş gətirəcək. Terrorizmə son qoyulmasını təmin etmək Əfqanıstanın öz maraqlarına uyğundur”.

Reportyor.az 



KARUSEL / DÜNYA