Rusiya Prezidentinin Əfqanıstan üzrə xüsusi nümayəndəsi Zamir Kabulovun sözlərinə görə, Rusiya və ABŞ Əfqanıstanla bağlı heç bir birbaşa müzakirə aparmayıblar.

TASS-a danışan Kabulov Moskva ilə Vaşinqton arasında Əfqanıstan məsələsi ilə bağlı heç bir danışıqların aparılmadığını təsdiqləyib.

O, TASS-a bildirib ki, "xeyr, onlar əlaqə saxlamayıblar, buna görə də indiyə qədər belə bir söhbət olmayıb".

2023-cü ildə Kabulov Moskva və Vaşinqtonun Əfqanıstanla bağlı ikitərəfli əlaqə saxlamadığını və heç bir kanal qalmadığını bildirib. Onun sözlərinə görə, o vaxt ABŞ-ın Əfqanıstan üzrə xüsusi nümayəndəsi Tomas Vestlə heç bir dialoq olmayıb.

O qeyd edib ki, 2021-ci ildə Vest Moskva formatının bir hissəsi olaraq ilk dəfə Moskvaya səfər edəndə tamamilə fərqli beynəlxalq vəziyyət var idi. 2023-cü ilin yazında BMT-nin Baş katibi Antonio Quterreş Dohada Əfqanıstanla bağlı görüş keçirib.

“Mən və Vest orada idik. Amma çinli həmkarım [Çin Xarici İşlər Nazirliyinin Əfqanıstan üzrə xüsusi elçisi Yue Syaoyonq] və mən Quterreşə dedik ki, Əfqanıstan xalqının pulunu oğurlayan və qaytarmayan bir ölkə ilə eyni komandada ola bilmərik”, - Kabulov deyib.

Reportyor.az 



KARUSEL / DÜNYA