Fələstin Dövləti İsrail hökumətinin işğal olunmuş İordan çayının qərb sahilində geniş əraziləri guya “dövlət torpaqları” kimi təsnifləndirmək qərarını qəti şəkildə pisləyir və bu addımı qanunsuz, eyni zamanda Fələstin ərazilərinin ilhaqına yönəlmiş qəsdən atılmış addım kimi qiymətləndirir.

Bu barədə Fələstin Dövlətinin Azərbaycandakı səfirliyi məlumat yayıb.

Fələstin Dövləti təsdiq edir ki, bu addım beynəlxalq hüquqa əsasən etibarsızdır və ilhaqa doğru faktiki bir addımdır; bu isə Fələstin dövlətinin əsaslarını və yaşamaq qabiliyyətini sarsıdır.

Fələstin Dövləti, həmçinin, bu qərarı beynəlxalq hüquqi nizama və beynəlxalq ictimaiyyətin iradəsinə birbaşa çağırış kimi dəyərləndirir. Bu, beynəlxalq sülh və təhlükəsizlik prinsiplərinin ciddi şəkildə pozulmasıdır və Birləşmiş Millətlər Təşkilatının qətnamələrinə, xüsusilə BMT Təhlükəsizlik Şurasının 2334 saylı qətnaməsinə açıq şəkildə ziddir; həmin qətnamə Şərqi Qüds də daxil olmaqla işğal olunmuş bütün Fələstin ərazilərində məskunlaşmaların (yəhudi yaşayış məntəqələrinin) qanunsuzluğunu bir daha təsdiqləmişdir. Bu qərar, eyni zamanda, İsrail işğalının qanunsuzluğunu təsdiqləyən Beynəlxalq Ədalət Məhkəməsinin məsləhətçi rəyinə də ziddir.

Fələstin Dövləti beynəlxalq ictimaiyyəti, BMT Təhlükəsizlik Şurasını və bütün aidiyyəti beynəlxalq hüquqi qurumları bu qanunsuz, birtərəfli addımlara qarşı qəti mövqe sərgiləməyə, işğalçı gücü çəkindirmək və iki dövlətli həllə təhlükə yaradan, beynəlxalq konsensusu sarsıdan, regional sülh və sabitliyi riskə atan davam edən ilhaq və məskunlaşma fəaliyyətini dayandırmaq üçün təcili addımlar atmağa çağırır.

Reportyor.az 




KARUSEL / DÜNYA