İsrail mediası çərşənbə axşamı günü ordunun İranın təhlükəsizlik rəisi Əli Laricaniyə hücum etdiyini bildirib və onun öldürülüb-yaralanmadığı barədə məlum olmadığını əlavə edib.

İran hələlik hesabata münasibət bildirməyib.

Laricani cümə günü Tehranda digər yüksək vəzifəli şəxslərlə birlikdə kütləvi mitinqə qatılıb və İsrail-ABŞ-ın paytaxta son hücumlarını "çarəsizlikdən" adlandırıb.

"Bu hücumlar qorxudan, çarəsizlikdəndir. Güclü olan nümayişləri heç bombalamaz. Aydındır ki, uğursuz olub", - deyə Laricani Fələstin məsələsini dəstəkləyən illik Qüds Günü mitinqində iştirak edərkən dövlət televiziyasına bildirib.

Ötən həftə o, ABŞ prezidenti Donald Trampa gizli təhdid edərək, ona "məhv edilməmək üçün" ehtiyatlı olmağı və İslam Respublikasının onun "boş təhdidlərindən" qorxmadığını bildirib.

Fevralın 28-də ABŞ və İsrail İrana qarşı hücumlar təşkil etdilər, nəticədə İranın ali lideri Əli Xamenei öldürüldü və Yaxın Şərqə yayılan müharibə başladı.

İran İsraili və region ölkələrini hədəf alan pilotsuz təyyarə və raket hücumları ilə cavab verdi.


Reportyor.az 




KARUSEL / DÜNYA