Son beş gündə Əfqanıstan və Pakistanda daşqınlara və binaların uçmasına səbəb olan güclü yağışlar ən azı 45 nəfərin ölümünə, 74 nəfərin yaralanmasına səbəb olub.

Bu barədə Reuters agentliyinin verdiyi məlumatda deyilir. 

Milli Fəlakətlərin İdarə Edilməsi İdarəsinin (NDMA) məlumatına görə, Əfqanıstanda ölümlərin əksəriyyəti mərkəzi və şərq əyalətlərində, o cümlədən Pərvan, Meydan Vərdək, Daykundi və Loqarda baş verib. Leysan yağışlar qəfil daşqınlara və torpaq sürüşmələrinə səbəb olub və təxminən 130 evi tamamilə dağıdıb. Agentliyin açıqlamasında deyilir: "Ümumilikdə 1140 ailə zərər çəkib. Ölkədə qeyri-sabit hava şəraiti davam edir və daşqınların daha da artması riski yüksək olaraq qalır.

Pakistanın Əfqanıstanla həmsərhəd olan Xayber Paxtunxva əyalətində təbii fəlakət nəticəsində 14-ü uşaq olmaqla ən azı 17 nəfər ölüb. Daha 25 nəfər yaralanıb. Faciələrin əsas səbəbi güclü yağışlar nəticəsində yaşayış binalarının dam örtüyünün və divarlarının uçması olub.

BMT Əfqanıstan və Pakistanı ekstremal hava hadisələrinə və iqlim dəyişikliyinin təsirlərinə ən çox məruz qalan ölkələr sırasında müəyyən edib. Güclü musson yağışları əvvəllər genişmiqyaslı dağıntılara səbəb olub: təkcə keçən il Pakistanda baş verən təbii fəlakətlər təxminən 1000 insanın həyatına son qoyub. Əfqanıstanda da zəlzələlər, daşqınlar və quraqlıq 2025-ci ildə oxşar şəkildə 8000 evi dağıdıb və dövlət xidmətlərini iflic edib.

Reportyor.az 



KARUSEL / DÜNYA