Pakistanın Pəncab əyalətinin bir neçə bölgəsinə yağan güclü yağışlar nəticəsində 17 nəfər ölüb, ən azı 49 nəfər yaralanıb.
"Dawn" xəbər verir ki, Pakistanın Pəncab əyalətində ardıcıl ikinci gün yağan yağışlar əyalətin bəzi ərazilərini vurduğu üçün çoxlu sayda dam və divar uçması hadisəsi baş verib. Əyalət Fəlakətlərin İdarə Olunması İdarəsinin (PDMA) açıqlamasında, Lahorda şəhərin Bandianvala körpüsü yaxınlığında güclü yağışlar nəticəsində bir evin damının uçması nəticəsində 3-ü 10 yaşından kiçik uşaq da daxil olmaqla 4 nəfərin həlak olduğunu bildirilir. 
Lahorda ən çox yağıntı Su və Kanalizasiya Agentliyinin (Wasa) Musson Nəzarət Otağı tərəfindən Niştar şəhərinin direktor ofisində 65 mm, sonra Cohar Town SDO ofisi 57 mm və Lakshmi Chowk 38 mm ilə qeydə alınıb. Ən az yağış yağan ərazilər aeroport ərazisi (5,5 mm), Mughalpura SDO ofisi (3,5 mm) və Upper Mall (3,5 mm) olub. Bu arada Pəncabın müvəqqəti baş naziri Möhsin Naqvi hər şeyin nəzarət altında olduğunu deyib. O, Lahorda jurnalistlərə bildirib ki, səkkiz katibin hər biri bütün Vasa zonasına nəzarət etməkdədir. "Dawn" xəbər verir ki, çərşənbə günü səhər saatlarında Pəncab ştatında elektrik cərəyanı vurması, damın çökməsi, boğulma və ildırım vurması ilə nəticələnən müxtəlif hadisələrdə doqquz nəfər ölüb.
KARUSEL / DÜNYA