Mərakeş Kralı VI Məhəmməd Rabatdakı Kral Sarayında ölkənin növbəti hökumətini formalaşdırmaq tapşırığı verilmiş Fatimə Əzzəhra Əl-Mansurini qəbul edib.

Görüş Əl-Mansuriyə yeni hökumətin formalaşdırılması istiqamətində əldə edilmiş irəliləyişlər barədə monarxa məlumat vermək və indiyədək tamamlanmış müxtəlif mərhələləri təqdim etmək imkanı yaradıb.

Öz növbəsində, Mərakeş monarxı qarşıdakı mərhələnin tələblərini vurğulamaqla yanaşı, ona missiyasının icrasında uğurlar arzulayıb. O, xüsusilə ölkənin üzləşdiyi çağırışların həllinə və müxtəlif sektorlardakı gözləntilərin qarşılanmasına qadir olan ümummilli səfərbərliyin, həmçinin ciddi və məsuliyyətli hökumət fəaliyyətinin vacibliyini qeyd edib.

Kralın konstitusiya səlahiyyətləri çərçivəsində keçirilən bu qəbul həm də onun Mərakeşin konstitusiya institutlarının düzgün fəaliyyətini təmin etməkdəki rolunu əks etdirir.

Reportyor.az 


KARUSEL / DÜNYA