Bəlucistanın Pişin rayonunun Huramzai bölgəsindəki məntəqəyə edilən terror hücumunda polis rəisi şəhid olub.

Pakistan polisinin məlumatına görə, motosikletdə olan silahlı yaraqlılar avtomat silahlardan istifadə edərək polis məntəqəsinə atəş açıblar və bundan sonra polis əməkdaşları cavab atəşi açıblar.

"Bir müddət davam edən atışma nəticəsində baş polis rəisinin şəhid olması ilə nəticələnib", - adının çəkilməsini istəməyən polis məmuru "Dawn" qəzetinə bildirib və əlavə edib ki, hücum edənlər daha sonra hadisə yerindən qaçıblar.

Rəsmi bildirib ki, təhlükəsizlik qüvvələri hadisə yerinə tələsik gəlib və cəsədi rayon xəstəxanasına aparıblar.

O, hadisəni terror hücumu adlandırıb və bildirib ki, hücumda iştirak edənləri tapmaq üçün ərazidə axtarış əməliyyatı başlayıb.

Hücuma görə hələlik heç bir qrup məsuliyyəti öz üzərinə götürməyib.

Ötən həftə Bəlucistanın Kaçhi və Noşki rayonlarının Dhadar və Mal bölgəsində naməlum şəxslərin iki polis bölməsinə hücumları nəticəsində bir polis şəhid olub, dörd nəfər yaralanıb.

Reportyor.az 





KARUSEL / DÜNYA