Mərakeş Malaboda keçirilən OACPS-in 11-ci sammitində iştirak edib, Xarici İşlər naziri cənab Nasser Bourita Əlahəzrət Kral VI Məhəmmədi təmsil edib.

Yerli media xəbər verir ki,  Bourita Mərakeşin Afrika ilə qarşılıqlı əlaqələrini tərəfdaşlığa və konkret fəaliyyətə əsaslanan “strateji, ardıcıl və dönməz seçim” kimi xarakterizə edib. O, 1999-cu ildən bəri imzalanmış 1600-dən çox əməkdaşlıq müqaviləsini, eləcə də Afrika və Karib hövzəsi ölkələrində təhsil və ərzaq təhlükəsizliyi sahələrinə qoyulan irimiqyaslı investisiyaları vurğulayıb.

Nazir həmçinin regional iqtisadi potensialı üzə çıxarmağa yönəlmiş flaqman təşəbbüslərə, o cümlədən Afrika Atlantik Qaz Boru Kəməri və Sahel ölkələrinin Atlantik okeanına çıxışını təmin edəcək layihələrə diqqət çəkib.

OACPS-in (Afrika, Karib və Sakit Okean Dövlətləri Təşkilatı) qlobal idarəçilikdə daha güclü səsə sahib olması üçün çağırıış edən cənab Bourita, Mərakeşin əməkdaşlığı dərinləşdirməyə və daha balanslı, çoxqütblü beynəlxalq nizamı irəli aparmağa hazır olduğunu bir daha təsdiqləyib.

Reportyor.az 



KARUSEL / DÜNYA