Cümə axşamı səhər tezdən İspaniyanın Mayorka adasında turizm bölgəsindəki bir evdə baş verən yanğın iki nəfərin ölümünə və bir neçə nəfərin yaralanmasına səbəb olub.

Mülki Qvardiya açıqlamasında yanğının səhər saat 5 radələrində Maqaluf ərazisindəki yaşayış binasının üçüncü mərtəbəsində baş verdiyini bildirib.

Sakinlər alovu söndürməyə çalışsalar da, alov binanın qalan hissəsinə, xüsusən də yuxarı mərtəbələrə yayılıb. 12-dən çox insan təxliyə edilib. Alov təxminən iki saat sonra söndürülüb.

Mülki Qvardiyanın sözçüsü bildirib ki, doqquz nəfər tüstüdən zəhərlənmə səbəbindən müalicə üçün tibb müəssisələrinə aparılıb. Rəsmi şəxs nazirliyin siyasətinə əsasən anonimlik şərti ilə danışıb.

Mülki Qvardiya bildirib ki, ölənlərdən biri 58 yaşlı Argentina vətəndaşı, digəri isə hələlik şəxsiyyəti müəyyən edilməyən qadın olub. Onlar iki ayrı mənzildə olublar.

Mülki Qvardiya yanğının səbəbini araşdırdığını bildirib.

Maqaluf, Aralıq dənizi arxipelaqının paytaxtı Palma de Mayorkadan 22 kilometr (13,7 mil) qərbdə, Kalvia sahillərində yerləşən gənc Britaniya və Almaniya turistləri arasında məşhur çimərlik və gecə həyatı məkanıdır.

Faciədən sonra yerli hakimiyyət orqanları iki günlük matəm elan etdi.

Reportyor.az 



KARUSEL / DÜNYA