Cümə günü səhər İspaniyanın şimalındakı Villafranca del Ebro şəhərində qocalar evində yanğın baş verib, ən azı 10 nəfər ölüb.

Reportyor.az xəbər verir ki, bu barədə Araqon regional hökuməti bildirib.

Yanğın səhər saat 5 radələrində "Jardines de Villafranca" adlı yaşlılar üçün iqamətgahda başlayıb və yanğınsöndürənlərin onu söndürməsi bir neçə saat çəkib.

Mətbuat katibi ölənlərin hamısının 82 qocanın yaşadığı qocalar evinin sakinləri olub-olmadığını dəqiqləşdirə bilməyib.

Bir nəfərin vəziyyəti ağırdır, bir neçə nəfər isə əsasən tüstüdən zəhərləndiyinə görə nəzarətdədir.

Onun sözlərinə görə, 35 km (22 mil) uzaqlıqdakı Saraqosa bölgəsindən gələn yanğınsöndürənlər, təcili yardım maşınları və polis hadisə yerindədir. Yanğının səbəbləri hələ də araşdırılırdı.
KARUSEL / DÜNYA