Otolarinqoloq (KBB mütəxəssisi) Dr. Tatyana Feldbuş bildirib ki, qulaqlıqlar uzun müddət yüksək səsli musiqi dinlədikdə qulaqlara zərər verə bilər.

Bu barədə gazeta.ru xəbər verir. 

Onun sözlərinə görə, eşitmə itkisi və tinnitus riski həm simli, həm də simsiz cihazlardan yarana bilər. Bu sağlamlıq təsirləri, xüsusən də ictimai nəqliyyat, təyyarələr və idman zalları kimi səs-küylü mühitlərdə 85 desibeldən çox səs səviyyəsində musiqi dinlədikdə özünü göstərir.

Bu riski azaltmaq üçün mütəxəssis "60-60 qaydası"na əməl etməyi tövsiyə edir - qulaqlıq vasitəsilə musiqini fasiləsiz 60 dəqiqədən çox olmayan müddətdə və maksimum tutumun 60%-dən çox olmayan səs səviyyəsində dinləmək.

"Əgər bir şəxs uzun müddət qulaqlıq istifadə etmək məcburiyyətində qalırsa, tam ölçülü (qulaq üstü) qulaqlıqlardan və ya səs-küyü ləğv edən qulaqlıqlardan istifadə etmək daha yaxşı və təhlükəsizdir, çünki istifadəçilər onlardan istifadə edərkən səsi çox yüksək səviyyəyə qaldırmağa daha az meyllidirlər", - deyə o bildirir.

Öz növbəsində, otolarinqoloq olan Dr. Dmitri Qorin qulaqcıqla musiqiyə iki saatdan çox fasiləsiz qulaq asmağı məsləhət görmür. O qeyd edir ki, əvvəlcə aşağı səs səviyyəsindən başlamalı və sonra tədricən rahat səviyyəyə qaldırılmalıdır. Əgər insan musiqi dinləyərkən başqalarının danışdığını eşidə bilmirsə, səsi azaltmalıdır.

Reportyor.az 



KARUSEL / CƏMİYYƏT