İslam Əməkdaşlıq Təşkilatının (İƏT) və Müsəlman Dünyası Liqasının (MWL) yüksək vəzifəli rəsmiləri davam edən humanitar və inkişaf problemləri fonunda əməkdaşlığı gücləndirmək və Əfqanıstana dəstək vermək yollarını müzakirə edib.

İƏT Baş katibinin köməkçisi səfir Tariq Əli Bəhit və MWL-nin baş katibi Məhəmməd bin Əbdülkərim Əl-İssa arasında görüş İslamabadda 57 İƏT üzv dövlətinin nümayəndələrinin iştirakı ilə başlayan 9-cu İƏT Qadınlar Nazirlər Konfransı çərçivəsində keçirilib.

Yerli media xəbər verir ki,  görüş zamanı tərəflər ikitərəfli əməkdaşlığın genişləndirilməsi perspektivlərini nəzərdən keçirib və İslam məqsədlərinə xidmət etməyə və birgə iş sahələrini genişləndirməyə yönəlmiş bir neçə birgə proqramın başlamasına razılıq veriblər.

Onlar həmçinin Əfqanıstandakı son hadisələr barədə fikir mübadiləsi aparıblar, humanitar və inkişaf problemlərini aradan qaldırmaqda Əfqanıstan xalqına dəstək olmağın yollarını müzakirə ediblər. Hər iki tərəf zəruri yardım göstərmək və yardım və humanitar təşəbbüsləri davam etdirmək üçün əlaqələndirilmiş İslam və beynəlxalq səylərin vacibliyini vurğulayıblar.

Reportyor.az 






KARUSEL / DÜNYA