Pakistan tekstil istehsalçısı olan Sapphire Fibers Limited (SFL), beynəlxalq iştirakını genişləndirmək və xarici biznesi dəstəkləmək üçün Birləşmiş Ərəb Əmirliklərində (BƏƏ) yeni bir törəmə müəssisə yaradıb.

Business Recorder xəbər verir ki,  siyahıda olan iplik istehsalçısı çərşənbə günü birjaya göndərdiyi bildirişdə bu inkişafı açıqlayıb.

Bildirişdə deyilir: "Sapphire Fibers Limited Birləşmiş Ərəb Əmirliklərində (BƏƏ) "Saphir Holding L.L.C-FZ" adı altında tam mülkiyyətində olan bir törəmə müəssisə yaradıb". Şirkət bu mövzuda bütün lazımi hüquqi və tənzimləyici rəsmiləşdirmələri yerinə yetirib.

"Təsisdən sonra şirkət adı çəkilən törəmə müəssisəyə 200.000 dollar məbləğində kapital qoyuluşu həyata keçirir", - deyə bildirilib.

SFL 1979-cu ildə Pakistanda açıq səhmdar cəmiyyəti kimi təsis edilib. Şirkətin əsas fəaliyyəti iplik, parça və geyim istehsalı və satışıdır. Şirkət üç istehsal zavodu idarə edir, bunlardan ikisi Şeyxupurada, biri isə Lahorda yerləşir.

Son illərdə şirkət ənənəvi tekstil istehsalından kənara çıxaraq biznes portfelini fəal şəkildə genişləndirir və şaxələndirir.

Şirkət 2025-ci ilin mart ayında 5 milyon dollarlıq investisiya yatırdıqdan sonra, tam mülkiyyətində olan ABŞ törəmə şirkəti olan Sapphire USA, MMC-yə əlavə 2,5 milyon dollar kapital qoyacağını da açıqlayıb.

O vaxtlar deyilirdi ki, bu, ABŞ bazarındakı mövcudluğunu gücləndirmək və bazara çıxışı yaxşılaşdırmaqla gəlirliliyi artırmaq məqsədi daşıyır.

Reportyor.az 


KARUSEL / İQTİSADİYYAT