Konqo Demokratik Respublikası mis və kobalt konsentratlarının ixracını qadağan edib ki, bu da onun daxili emalı məcbur etmək səylərində böyük bir artım deməkdir.

Reuters xəbər verir ki, bu, ölkənin geniş mineral sərvətlərindən daha çox gəlir əldə etmək cəhdinin bir hissəsidir.

Sərəncamda həmçinin iqtisadi cəhətdən əhəmiyyətli mədən yan məhsulları üçün yeni vergilərin tətbiqi də nəzərdə tutulub.

Qadağa dərhal qüvvəyə minsə də, yeni yan məhsul vergi rejiminin üç aylıq keçid dövrü var.

Konqo dünyanın ən böyük kobalt istehsalçısı və misin ikinci ən böyük təchizatçısıdır və hər ikisi də qlobal miqyasda çox tələb olunur.

Onlar elektronika, doldurulan batareyalar, mühərriklər və generatorlar da daxil olmaqla müxtəlif məhsullarda istifadə olunur.

Dağ-mədən sektoru Konqo Demokratik Respublikasının iqtisadiyyatının hərəkətverici qüvvəsidir və ölkənin ÜDM-nin təxminən yarısını təşkil edir və 10,9 milyard dollar qiymətləndirilir.


Reportyor.az 



KARUSEL / DÜNYA