ABŞ tərəfindən sanksiya edilmiş İsrailli milyarder Dan Gertlerin keçmiş holdinq şirkəti Konqo Demokratik Respublikasındakı mədən sövdələşmələri ilə bağlı Hollandiyanın korrupsiya istintaqını həll etmək üçün 30 milyon dollar ödəyir.

Niderlandda qeydiyyatdan keçmiş Fleurette şirkəti 2018-ci ildən bəri istintaq altındadır. İstintaqlar Gertler qrupunun holdinq şirkəti kimi xidmət edən Fleurette və Glencore əmtəə qrupu şirkətlərinin mis və kobalt mədən hüquqları üçün bazar qiymətlərindən aşağı qiymətə rüşvət verib-vermədiyini araşdırır.

Keçmiş prezident Cozef Kabilanın müşavirinə on milyonlarla ABŞ dolları ödənildiyi düşünülür. Gertlerin yaxın dostu olan Kabila ölkəyə 2001-2019-cu illərdə rəhbərlik edib.

Hollandiya prokurorluğu verdiyi açıqlamada bildirib ki, "Fleurette-in digərləri ilə birlikdə Konqo Demokratik Respublikasında mədən lisenziyalarının alınması çərçivəsində xarici dövlət məmurlarına rüşvət verməkdə günahkar olduğu qənaətinə gəlib".


Reportyor.az 



KARUSEL / İQTİSADİYYAT