Myanmar daha çox xarici turist cəlb etmək məqsədilə dünyanın ən çox əhaliyə malik ölkələri olan Çin və Hindistandan hava yolu ilə gələn turistlər üçün hava limanında viza almaq (visa-on-arrival) proqramını daha bir il müddətinə uzadıb.

"Sinhua" xəbər agentliyinin məlumatına görə, Mədəniyyət, Otellər və Turizm Nazirliyi tərəfindən təsdiqlənən bu qərar 30 avqust 2026-cı il tarixindən 29 avqust 2027-ci il tarixinədək qüvvədə olacaq və proqramın üçüncü birillik sınaq dövrünü təşkil edəcək.

Nazirliyin məlumatına əsasən, Myanmar 2026-cı ilin ilk səkkiz ayı ərzində 700 mindən çox xarici turist qəbul edib ki, bu da əvvəlki illə müqayisədə 7% artım deməkdir.

Həmin dövrdə ən çox turist axını Tayland və Çindən qeydə alınıb.

Cənub-Şərqi Asiya ölkələri son vaxtlar turizmin inkişafını sürətləndirmək məqsədilə böyük iqtisadiyyata malik ölkələrdən gələn səyahətçilər üçün təşviqat kampaniyalarını gücləndirib və viza tələblərini sadələşdirib.

Malayziya Çin və Hindistan turistləri üçün viza tələblərini ləğv edib, Sinqapur isə Çin turistlərinə vizasız giriş imkanı təqdim edir.

Reportyor.az 


KARUSEL / İQTİSADİYYAT