Cənubi Koreya altı ölkədən gələn qrup turistləri üçün viza rüsumundan azadolma proqramını ilin sonuna qədər uzadıb.

Ölkənin Ədliyyə Nazirliyin məlumatına görə, uzadılmış proqram çərçivəsində Çin, Kamboca, Hindistan, İndoneziya, Vyetnam və Filippindən gələn qrup turistləri üçün viza verilməsi rüsumlarından azad ediləcək.

Proqram fevral ayında Çeonq Va Dedə xarici qrup turizmini təşviq etmək və canlandırmaq məqsədilə keçirilən milli turizm strategiyası iclasından sonra təqdim edilib.

Ədliyyə Nazirliyi uzadılmanın turizm sənayesinin canlandırılmasına və yerli iqtisadiyyatın bərpasına müsbət təsir göstərəcəyini gözlədiyini bildirib.

Nazirliyin məlumatına görə, 2025-ci ildə ölkəyə qrup vizaları ilə təxminən 790.000 əcnəbi daxil olub ki, bu da bir il əvvəlkindən 39 faiz çoxdur.

Onlardan yalnız 0,07 faizi vizalarının müddətini keçib və ya qanunsuz olaraq burada qalmağa davam edib ki, bu da əvvəlki ilə nisbətən 50 faizdən çox azalma deməkdir.

Reportyor.az 





KARUSEL / DÜNYA