Marı, Balkanabat və Türkmənbaşı şəhərlərində yanacaq-energetika sektoru mütəxəssislərinin ailələri üçün 560-dan çox rahat mənzil tikiləcək. Genişmiqyaslı yaşayış məntəqələrinin salınması layihəsi Türkmənistan Hökumətinin iclasında təsdiqlənib.

Bu barədə Türkmənistan yerli mediası xəbər verir. 

Marı şəhərində 720 ailəlik böyük yaşayış kompleksinin birinci mərhələsinin icrasına başlanılır. İlkin mərhələdə burada neft-qaz işçilərinin 256 ailəsi üçün nəzərdə tutulmuş səkkiz ədəd dördmərtəbəli yaşayış binası tikiləcək.

Eyni zamanda, ölkənin qərbində də yaşayış binalarının tikintisi həyata keçirilir: Balkanabatda 240 mənzilli on ədəd dördmərtəbəli bina, sahil şəhəri olan Türkmənbaşında isə 72 mənzilli 12 mərtəbəli yaşayış binası inşa olunacaq.

Layihələr ətraf ərazilərin abadlaşdırılmasını, uşaq oyun meydançalarının yaradılmasını və sahənin hasilat və emal müəssisələrinin işçiləri üçün tam sosial infrastrukturun təmin edilməsini nəzərdə tutur.

Reportyor.az 



KARUSEL / İQTİSADİYYAT