Münsiflər heyəti romanın "çox güman ki", əsasən süni intellekt vasitəsilə yazıldığını bildirib; müəllif isə bu ittihamı qətiyyətlə rədd edib.

Kitab artıq bir neçə mükafat qazanmışdı və digər dillərə tərcümə olunmaq ərəfəsində idi. Lakin bu həftə "X" platformasında "Balance ton Claude" adlı anonim hesab müəllif Orelieni (Aurélien) romanı yazarkən süni intellektdən istifadə etməkdə ittiham edib.

Daha sonra esseist Samuel Fitussi həmin "X" hesabının arxasındakı qrupun üzvü olduğunu etiraf edib.

İndi Romanı və Müəllifi Nə Gözləyir?
"Goncourt" Akademiyası bəyan edib ki, süni intellektin köməyi ilə yaradılmış mətnləri rədd etməklə mükafatın nüfuzunu və bütövlüyünü qorumaq qərarına gəlib. Akademiya qərarına əsas amil kimi süni intellektdən istifadə və ədəbi plagiatla bağlı ittihamları göstərib.

Buna baxmayaraq, Orelien həmin romanı eynilə yenidən qələmlə yaza biləcəyini iddia edir.

Hadisə həmçinin süni intellektlə yaradılmış mətnləri aşkar edən vasitələrin yazıçıların peşəkar karyerasına birbaşa təsir göstərən qərarlara təsir edib-etməməsi ilə bağlı suallar doğurur. ABŞ-dakı Müəlliflər Gildiyası (Authors Guild) xəbərdarlıq edir ki, süni intellekt məzmununu aşkar edən bəzi vasitələr çox qeyri-dəqiq ola bilər və vurğulayır ki, kitabın geri çağırılması və ya müsabiqədən kənarlaşdırılması üçün onlara heç vaxt yeganə əsas kimi istinad edilməməlidir.

Reportyor.az 



KARUSEL / MƏDƏNİYYƏT