İtaliyanın Kataniya hava limanı, üç günlük fasilədən sonra yenidən açılmasından cəmi bir neçə saat sonra, Etna vulkanı ilə əlaqədar yaranan yeni problemlər səbəbindən çərşənbə axşamı yenidən bağlandı.

Hava limanının operatoru olan SAC şirkəti vulkanik fəallıq və mövcud hava şəraiti səbəbindən uçuşların Qrinviç vaxtı ilə saat 13:00-dək dayandırıldığını açıqladı.

Şirkət sərnişinlərə hava limanına yollanmazdan əvvəl uçuşlarının vəziyyətini aviaşirkətlərlə dəqiqləşdirməyi tövsiyə etdi və əlavə məlumatların veriləcəyini bildirdi.

Sərnişin axınına görə İtaliyanın beşinci ən işlək hava limanı olan bu obyektin fəaliyyəti tez-tez Avropanın ən yüksək və ən aktiv vulkanı olan Etnadan yayılan vulkanik kül səbəbindən pozulur.

Sonuncu bağlanma minlərlə sərnişinə təsir etdi və aviaşirkətlərin uçuşları Kataniyadan yayındırması səbəbindən Siciliyadakı digər hava limanlarına ciddi yük yaratdı.


Reportyor.az 



KARUSEL / HADİSƏ