Latviya Prezidenti Eqils Levitsin Azərbaycana səfər proqramı açıqlanıb.
Bu barədə “Report” Latviya Prezidentinin Mətbuat xidmətinə istinadən xəbər verir.
Məlumatda bildirilib ki, Eqils Levits martın 8-9-da Azərbaycanda rəsmi səfərdə olacaq.
Qeyd olunub ki, həmçinin Latviya Prezidenti ADA Universitetini ziyarət edəcək, iş adamları ilə görüşlər keçirəcək, İ.Kruminas və R.Deqatinin sərgilərinə baş çəkəcək.
Eləcə də E.Levitsin Yazep Medınışa həsr olunmuş xatirə lövhəsinin açılışında iştirak edəcəyi nəzərdə tutulur.
“30 ildir ki, Latviya və Azərbaycan arasında sıx ikitərəfli münasibətlər var. Azərbaycan Prezidentinin və Qlobal Bakı Forumunun təşkilatçılarının dəvəti ilə baş tutacaq səfər iki ölkəyə regional təhlükəsizliyə dair cari çağırışları, həmçinin bərpa olunan enerji sahəsində ümumi tərəqqi nəzərə alınmaqla enerji sektorunda əməkdaşlığı müzakirə etmək imkanı verəcək”, - məlumatda qeyd edilib.

KARUSEL / SİYASƏT